M.V.:- Quora as apres aquels contes?
A.B.:- E be ... los ai apres quand era pita, quò era ma granda mair que ... los me contava, e me sovene bien, me contava sovent Lo lop e lo rainard. L'aimava bien queraque.
M.V.:- E cossí se passava, cossí se passava quand la granda mèra contava un conte ? Cossí se passava ?
A.B.:- Qué se passava ?
M.V.:- Cossí se passava?
A.B.:- Ente que se passava ?
M.V.:- Oc, ente e quora se passava?
A.B.:- E be, quò era chas nos, lai, dins la Corresa, a Beissac, e pi ... of ...
M.V.:- Aquò èra lo ser, èra la nèit?
A.B.:- Quò era daus còps lo ser ... a la velhada, quante nos chaufavam ... o alôr quò èra ... quante 'nava gardar coma ela, o, daus còps, quò era ... los ... los matins avant de nos levar, que ... los me contava. Io quand era desvelhada li damandava, li disiá :
- Meme, devriás me contar un conte.
- E qué vòles que te conte ?
- E be ... çò que voldràs ... Lo lop e lo rainard, se vòles.
E lo me contava. Lo m'aviá contat daus còps e daus còps ...
M.V.:- E ... lo matin, cossí se passava, lo matin ?
A.B.:- Lo matin ? Be, te dise, avant de nos levar.
M.V.:- A, per de qué ?
A.B.:- E be, per çò que ... coijavam ensemble, ma granda mair e io. E ... e ... aitau quò era aisat, quante ... ela s ... devia be se levar per trabalhar. E restava pas dins lo liet, mas ... quand era desvelhada, e be ... començava de ... de blagar emb ela, e li demandava de me contar quauqua res.